Обезбедување квалитет на истражувањата од Eurofound

01 Март 2018

Обезбедување квалитет за истражувањата

Eurofound се стреми да обезбеди висок квалитет на податоците од неговите истражувања усогласувајќи се со општо договорените стандарди за методологија и постапки. Тоа се постигнува следејќи ги критериумите за квалитет на Европскиот статистички систем (ESS) во проектирањето, спроведувањето и процената на квалитетот на истражувањето. Што се однесува до истражувањата на Eurofound, критериумите се применуваат на следниов начин.

  • Релевантност: Уверување дека истражувањето ги задоволува тековните и потенцијалните потреби на корисниците
  • Точност: Поседување податоци за кои процените се колку што е можно поблиски со вистинските вредности. Во практика ова се прави со минимизирање на какви било грешки во истражувањето
  • Навременост и точност: Ширење податоци најблиску можно до референтниот период и следење на поставениот распоред за објавување на податоците
  • Достапност и прегледност: Овозможување на корисниците лесен пристап до наодите и податоците од истражувањето и нудење неопходни заднински информации за толкување на наодите
  • Кохерентност и споредливост: Ревидирање на податоците во споредба со други поврзани податоци од други извори и проценување дали разликите можат да им се припишат на разликите меѓу вистинските вредности. Воспоставување споредливост на податоците низ географски подрачја и со тек на време.

Целта е постојано подобрување на квалитетот и рентабилноста на истражувањата. Критериумите за квалитет и  неопходните чекори во процесот за задоволување на тие критериуми се поставени во тендерските спецификации и во деталното планирање на процесот на истражувањето.  Постапки за проверка на сите аспекти на подготовката, теренската работа и обработката на податоци  од истражувањето и постапки за собирање сèопфатна документација за тоа како се задоволени и воспоставени критериумите за квалитет.

Влијанието на истражувањата врз креирањето политики и употребата на податоците во истражувања се следат постојано. Се собираат информации за тоа како истражувањата ги задоволуваат потребите на корисниците. Покрај тоа, надворешните процени на квалитетот на податоците и процесите на истражувањата се овластуваат и објавуваат.