Azzjoni industrijali

L-azzjoni industrijali hija wieħed mill-mezzi fundamentali disponibbli għall-ħaddiema u l-organizzazzjonijiet tagħhom biex isolvu kunflitti tax-xogħol u jippromwovu l-interessi ekonomiċi u soċjali tagħhom. Tista' tieħu diversi forom, mill-irtirar totali tax-xogħol għal perjodu indefinit sa forom aktar restritti ta' azzjoni kollettiva fejn ma hemm l-ebda waqfien tax-xogħol. Id-dritt għall-istrajk huwa rikonoxxut b'mod espliċitu fil-kostituzzjonijiet u/jew fil-liġijiet ta' ħafna pajjiżi. Fil-livell tal-UE, id-dritt għall-istrajk huwa stabbilit fl-Artikolu 28 tal-Karta tad-Drittijiet Fundamentali tal-Unjoni Ewropea. Id-dritt għall-azzjoni kollettiva mill-partners soċjali huwa inkluż ukoll fil-Pilastru Ewropew tad-Drittijiet Soċjali. Eurofound bħalissa qed tesplora l-fattibilità ta' monitoraġġ tal-azzjoni industrijali.