Platform work

Tá Mary McCaughey ina Ceannasaí Faisnéise agus Cumarsáide in Eurofound. Céimí de chuid Choláiste na Tríonóide, Baile Átha Cliath agus Coláiste na hEorpa, Bruges, thosaigh sí ag obair sa Bhruiséil le Europolitics agus leis an Wall Street Journal Europe. D'oibrigh sí le Cumann na bParlaiminteoirí Eorpacha leis an Afraic (AWEPA) san Afraic Theas le linn aistriú na tíre chuig an daonlathas, agus i 1998 ghlac sí le post urlabhraí le Toscaireacht an Aontais Eorpaigh i Pretoria, agus í i gceannas ar a rannóg preasa agus faisnéise le linn chaibidlíocht an chomhaontaithe saorthrádála idir an tAontas Eorpach agus an Afraic Theas. Tar éis dheireadh Chogadh na Cosaive, d'oibrigh sí mar chomhairleoir cumarsáide don Ghníomhaireacht Eorpach um Atógáil sa tSeirbia. Chuaigh sí i mbun oibre mar Phríomh-Eagarthóir in Eurofound in 2003.

Is oifigeach taighde é Dragoș Adăscăliței san aonad Fostaíochta ag Eurofound. Díríonn a chuid taighde reatha ar thopaicí a bhaineann le todhchaí na hoibre, lena n-áirítear tionchar na hintleachta saorga ar phoist, iarmhairtí uathoibrithe ar fhostaíocht agus saincheisteanna rialála a bhaineann le geilleagar an ardáin. Ina theannta sin, cuireann sé go rialta le tionscadail chomparáideacha a dhéanann monatóireacht ar athruithe struchtúracha i margaí saothair na hEorpa. Sula ndeachaigh sé isteach i Eurofound, bhí sé ina léachtóir le Caidreamh Fostaíochta i Scoil Bainistíochta Ollscoil Sheffield. Tá MA san Eolaíocht Pholaitiúil aige ó Ollscoil Lár na hEorpa agus PhD sa tSocheolaíocht ó Ollscoil Mannheim.